Puisi Bugis "Taparajangekka Addampeng"

Silessureng selleng ku
Laoni ramalangE nakkedde temmaparmisi
Nangolo ri puang sewwaE
Nasalaiki sibawa passengereng
Natiwi pakkasuwiyyang iyya pura ri papole
Barekkuammengngi to tettong mannennungeng ri teppeE

Silessureng ku
Rekkua engka werekkada ku Massu na pasolangi
Rekkua engka gau upapole na malussa atitta
Rekkua engka Minasa naccueri gau sala naluru mappakatuna Ale
Rekkua engka uki cappa lima nakkasolang ri nawa nawa macinnongE
Minasa mapaccitta mitu kuellau
Barekkammengngi taddapengeng sininna atassalakku
Nato pada mapaccing paimeng 
Tamai esso alleppereng
Pada ana bunge rijajiangE pole ri babuana indo'na.

Silessureng selleng ku
Taparajangekka Addampeng
Nasaba tongeng tongeng Addampeng
Aga gaukku, nasaba taniaka tau mapaccing ulawu
Aga gaukku, nasaba iyya tau biasa mokka
Temmabela pole ri atassalangE
Tentu, pada Mamminasa manekki
Nakkilolongeng pammasena Alla taala
Nato salama ri duaE atuongeng
Lino nenniya ahera

Silessureng selleng ku
Taparajangekka Addampeng
Ku Pahang makkeda
Watakkale tekkulle siruntu
Lima tekkulle sirapi
Mata tekkulle siduppa pakkita
Tetapi narekko ati macinnongE kedo
Nawawa tu Lino sibawa sininna lise'na
Nato siaddampengeng sininna atassalangE
Namapaccing papolei allepperengE
Nakkalu ri pammase Alla taala
Nato siruntu paimeng 
Ri suruga pammaseNa

Tabe, Taddapengekka
Taddapengekka kasi
Taddapengekka maraja
Taparajangekka Addampeng


Tubo Ternate
28 Ramadhan 1441 H







Komentar

Postingan populer dari blog ini

Enam Puluh Tahun IAIN Ternate: Aku Datang, Mengabdi, dan Menjadi Saksi

Pramuka, Merah Putih, dan Jejak Rasulullah

Tangga Terjal Menara Gading (Part 1)